ဘယ်လိုအရူးမျိုးလဲ

မတွေ့ဖြစ်ကြဘူး .. အကြောင်းတစ်စုံတစ်ရာကြောင့်ဖြစ်ဖြစ် အချိန်မတိုက်ဆိုင်လို့ပဲဖြစ်ဖြစ် တစ်ယောက်နဲ့ တစ်ယောက် မတွေ့ဖြစ်ကြတဲ့အခါ .... အရင်လိုအချိန်တွေကို သတိရမိလာတယ် ... နံပါတ်ကိုနှိပ်ပြီးမှ ဖုန်းကိုပြန်ချမိတယ်.. ဘယ်လို အရူးမျိုးလဲ ...

ပိုနေလွန်းတဲ့ ကိုယ့်ရဲ့အပြုအမှုတွေ
လိုနေတယ်လို့တောင် ထင်မိတယ်
ဘာကိုမှ ကိုယ်ဂရူမစိုက်ချင်တော့ဘူး
မင်းလေး မသိတယ်

ရီစရာတော့ ကောင်းနေလိမ့်မှာပဲ ... ကိုယ်ဘာမှ မပြောခဲ့တဲ့စကားတွေကို သူဘယ်လိုသိနိုင်မှာလဲ ... ကျေနပ်စွာ ဖြေသိမ့်နေလာခဲ့ပြီးမှ သတိရစိတ်တွေများလာတဲ့အခါ ဘ၀ရဲ့ အလှည့်အပြောင်းကြားမှာ ဖြတ်သန်းနေရတုန်း မွန်းကျပ်လာချိန်တွေမှာ ရှိနေကျ နီးစပ်မှုလေးတောင် ဘယ်ဝေးသွားနေလဲ ...

ဘာရယ်ဆိုတာ သူဘာမှမသိတယ်
ကိုယ်ဟာ မင်းအတွက် ဘယ်လိုအရူးမျိုးလဲ ဖြေဦး

ဝန်ခံချင်ပါတယ် .. ပိုင်ဆိုင်လိုစိတ်တွေကို.. ဖြစ်နိုင် မဖြစ်နိုင်တာတွေကို ကိုယ်မတွေးချင်တော့ဘူး ... မင်းအတွက် ပျော်ရွှင်မှုတွေကို သယ်ဆောင်လာမယ့် မနက်ဖြန်တွေ ... ကိုယ့်ဘ၀ရဲ့နေ့သစ်တွေကို တည်ဆောက်နိုင်ဖို့ ဒီစိတ်ကူးတွေဟာ မင်းမမက်ချင်တဲ့ အိပ်မက်သက်သက်တော့ မဟုတ်ဘူးဆိုတာ သက်သေပြချင်ပါသေးတယ်..

မျက်လုံးထဲ
မင်းလေးတစ်ယောက်ထက် ပိုလွန်ကဲ
ဘာမှလဲမမြင် ... မမြင်နိုင်တော့ဘူး
မင်းလေးတစ်ယောက်ထက် ပိုလွန်ပြီး
ဘာနဲ့မှနှုိင်းယှဉ် ... မယှဉ်နိုင်ဘူး

လပြည့်ည အတွေးတစ်ချို့ဟာ အဆီးအတားမရှိ ပျံ့လွင့်နေခဲ့ပါတယ်.. တစ်နေရာရာမှာ မင်းတစ်ယောက်ကတော့ အေးချမ်းနေလိမ့်မယ်လို့ မျှော်လင့်ပါတယ်.. ဒီဘာမဟုတ်တဲ့အတွေးစတွေကို ဘာမှမဆိုင်တဲ့ သီချင်းတစ်ပုဒ်ကို နားထောင်ပြီး စာကြောင်းတစ်ချို့ ရေးလိုက်မိပါတယ် ... မင်းအတွက် ဘာမှမဟုတ်ခဲ့တဲ့ လူတစ်ယောက်ပါ.. မတွေ့ဖြစ်တာ အတော်တောင်ကြာပြီနော်...

မျိုးကျော့မြိုင် - ကိုယ်ဘယ်လိုအရူးမျိုးလဲ